+23 °С
Болотло
Яңылыҡтар
8 Март 2020, 06:40
Юлбарыҫ ауылында “Самауырым еҙ аяҡ – тирә-яғы сынаяҡ” байрамы ойошторолдо
*
Самауыр артында осрашыуҙар кемгә генә ҡәҙерле түгел? Сәйе лә, тәмләп бөткөһөҙ, башҡа төрлө. Шундай табын артында үткәрелгән байрамдар ғаиләлә үҙ-ара татыулыҡты, быуындар бәйләнешен нығыта. Ҡатын-ҡыҙҙар байрамы уңайынан, Юлбарыҫ ауылында тап ошо күркәм сара – “Самауырым еҙ аяҡ – тирә-яғы сынаяҡ” байрамы ойошторолдо.
Байрам ҡотлау һүҙҙәре менән башланды. Артабан уңған хужабикәләр ике командаға бүленеп («Еҙ самауыр» һәм ”Сәйхурҙар” командалары), самауыр тураһында таҡмаҡ- мәҡәл бәйгеләрендә ҡатнашып ҡына ҡалманы, шиғырға көйҙәр һалып йырланылар, бирелгән көйҙәргә тиҙ генә бейеү ҙә һалдылар, башҡорт халыҡ уйындарын да, аш-һыуға маһирлыҡтарын да күрһәттеләр. Самауырҙар янында өҫтәлдәр һығылып торҙо. Аҙағынан самауырҙы йыҡҡансы, таҫтамалды һыҡҡансы сәй эсеп таралыштыҡ. Шыжлап ултырған самауыр һәр ваҡыт яҡындарҙы бер табынға йыйһын, быуындарҙы бәйләп торһон!
