"Таусылар" бейеү коллективының оло еңеүе

Бүребай тау-байыҡтырыу комбинатының «Таусылар» бейеү коллективы «Байыҡ» телеконкурсының гала-концертында II дәрәжәләге дипломға лайыҡ булды. Был конкурс Башҡортостан Республикаһының бейеү донъяһында иң ҙур ваҡиға булып тора, ә «Башҡортостан» дәүләт концерт залындағы гала-концерт бөтә республиканан һәм илебеҙҙең башҡа төбәктәренән 200-ҙән ашыу иң көслө бейеүсене йыйҙы.

Бындай ҡаҙаныш йыл башында ғына булдырылған ансамблде формалаштырғандан һуң бер нисә ай үткәс өлгәшелде. Шуны ла билдәләп үтергә кәрәк, коллективта ҡатнашыусылар - тау сығарыу предприятиеһы хеҙмәткәрҙәре, улар көндәлек тормошта шахтала, байыҡтырыу фабрикаһында, химия лабораторияһында һәм комбинаттың башҡа цехтарында эшләй. Көсөргәнешле эш графигына ҡарамаҫтан, улар буш ваҡыттарында бейеү менән шөғөлләнеп, ижад өсөн көс һәм илһам таба.

Коллектив был абруйлы конкурстың һайлап алыу һәм ике турын уңышлы үтте, илдең сәнәғәт предприятиелары араһында «Таланттар йондоҙлоғо» конкурсында тамашасыларҙы әсир итте, шулай уҡ район сараларының биҙәге лә.

Юғары һөҙөмтәгә ҡарамаҫтан, «Таусылар» коллективы өлгәшелгәндә туҡталып ҡалырға йыйынмай. Был еңеү, киреһенсә, ансамблдә ҡатнашыусыларҙы тағы ла ҙурыраҡ илһам һәм дәрт менән бейеү менән шөғөлләнергә һәм яңы үрҙәргә ынтылырға дәртләндерә.

Ансамбль етәкселәре - комбинаттың мәҙәни һәм спорт эштәре буйынса белгесе Марсель Собханғолов һәм предприятиеның хәрби бурыслы кадрҙар бүлегенең иҫәп алып барыу һәм бронләү буйынса инспекторы Айгөл Вәлиева «Башҡорт бейеүен үҫтереүгә һәм пропагандалауға ҙур өлөш индергәндәре өсөн» Рәхмәт хатына лайыҡ булған.

Фото: "Бүребай" ЯСЙ-һы сайтынан.

Автор:Карима Усманова