Рухлы милләттәштәребеҙгә ҙур рәхмәт!

Түңгәүер ырыуының VI йыйыны сиктәрендә төрлө мәҙәни һәм спорт саралары уҙғарылды. Ә Аҡъярҙа ҡурайҙы донъяға танытҡан билдәле яҡташыбыҙ Йомабай Иҫәнбаевҡа һәйкәл асылыуы - йылдың иң сағыу, иң иҫтәлекле көнөнә әүерелде. Йыйындың тантаналы өлөшөндә фиҙәҡәр хеҙмәте, әүҙем йәмәғәт эшмәкәрлеге менән абруй ҡаҙанған райондаштарыбыҙ тәбрикләнде.

Күп йыллыҡ әүҙем йәмәғәт эшмәкәрлеге һәм халыҡтың рухи-әхлаҡи үҫешенә тос өлөш индергәне өсөн «Бөтә донъя башҡорттары ҡоролтайы (конгресы)» халыҡ-ара йәмәғәт берекмәләре союзының почет грамотаһы менән тәбрикләнделәр:

• Ҡашҡаров Фәтих Фәттәх улы – халыҡ йырҙарын башҡарыусы, Өфө ауылы;
• Күсәков Факил Зөфәр улы – Таштуғай ауылының “Ислам” мәсете имамы;
• Туғыҙбаева Рәсимә Рафаэль ҡыҙы – педагогик хеҙмәт ветераны, тыуған яҡты өйрәнеүсе, Бүребай ауылы;
• Юнысова Эльвира Хәмит ҡыҙы – Һаҡмар-Наҙарғол ауылы клубының мәҙәни ойоштороусыһы.

  «Бөтә донъя башҡорттары ҡоролтайы (конгресы)» халыҡ-ара йәмәғәт берекмәләре союзының «Ал да нур сәс халҡыңа!»   миҙалы менән Бәләкәй Арыҫланғол ауылы клубының мәҙәни ойоштороусыһы Сурина Гөлназ Ғамир ҡыҙы бүләкләнде.