Башҡорт телен һаҡлау өсөн нимәләр эшләр инең?
Әлфинә Ултраҡова, Аҡъяр ауылы:
--Һәр кешегә үҙ теле ҡәҙерле. Мин дә башҡорт теленең юғалмай, киреһенсә, милләтемдең артыуын, телемдең сәскә атыуын теләйем. Миңә ҡалһа, телемде һаҡлап ҡалыу өсөн мәктәптәрҙә һәм балалар баҡсаһында тик башҡорт телендә түңәрәктәр ойоштороп, дәрестәрҙе үҙ телебеҙҙә алып барыр инем. Сөнки башҡа телдәрҙе балалар тиҙ үҙләштерә, ә үҙ телебеҙ мөһимерәк. Беҙ ғаиләбеҙҙә башҡорт телендә аралашабыҙ, балаларым да әсә телен яҡшы белә.