Бөгөн Халыҡ-ара туған телдәр көнөндә ауыл клубының сәхнәһендә Әбүбәкер мәктәбе уҡыусылары Динә Әлибаева, Батырхан Билалов, Диана Атанова һәм 2-се класта белем алған Тимур Билалов халыҡ ижады ынйылары менән таныштырҙы. Эйе, йәш быуын халҡыбыҙҙың бер ниндәй аҫылташҡа алыштырмаҫтай байлығы, уның төп ҡиммәте һәм киләсәге. Рухлы әбүбәкерҙәрҙең туған телен ҡәҙерләгән, йыр-моңға, сәнғәткә ғашиҡ булған балалар тәрбиәләүе менән ғорурланабыҙ.