+22 °С
Болотло
МӘҘӘНИӘТ
23 Август 2023, 14:22
Юрий Шатуновтың 50 йыллығы көнөндә, Башҡортостанда иҫтәлекле саралар уҙғарыласаҡ
Йырсы донъяға килгән ҡалала мемориаль таҡтаташ асыласаҡ
Юрий Шатуновтың 50 йыллығы көнөндә, Башҡортостанда иҫтәлекле саралар уҙғарыласаҡ
6 сентябрҙә, «Ласковый май» төркөмөнөң ваҡытынан алда киткән легендар солисы Юрий Шатуновтың 50 йыллығы көнөндә, Башҡортостанда иҫтәлекле саралар уҙғарыласаҡ. Мәҫәлән, Күмертауҙа буласаҡ артист уҡыған мәктәп-интернат бинаһында мемориаль таҡтаташ асыла. Хәҙер уҡыу йорто Башҡортостан Республикаһының беренсе Президенты Мортаза Ғөбәйҙулла улы Рәхимов исемендәге 3-сө республика гимназия-интернаты тип атала.
– Юрий Шатунов бында 1982 йылдан 1984 йылға тиклем уҡый. Ул саҡта уҡыу йорто Ю. Гагарин исемендәге 2-се мәктәп-интернаты тип атала. Гимназиябыҙ бинаһына мемориаль таҡтаташ ҡуйыу инициативаһы менән беҙгә Мәскәүҙән йырсының фанаттары мөрәжәғәт итте. Мемориаль таҡтаташты Новосибирскиҙа эшләнеләр, - тип белдергән гимназия директоры Шайморат Тимербулатов. – Гимназияла портреты менән мөйөш һәм Шатунов исемендәге кабинет бар.
