Һай, афарин, Хәйбулла бейеүселәре!

Кисә "Дуҫлыҡ хороводы" республика балалар хореография фестивале тамамланды. Фестиваль Туймазы ҡалаһында уҙҙы. Башҡортостандың 16 районынан һәм 3 ҡалаһынан 750-нән ашыу ҡатнашыусы "Родина" мәҙәниәт һарайы сәхнәһендә хореография сәнғәтендә ярышты.

Төп турға 32 коллектив, шул иҫәптән Аҡъяр ауылындағы Балалар ижады йортоноң «Хәйбулла» ансамбле сыҡты. Фестиваль йомғаҡтары буйынса «Хәйбулла» балалар өлгөлө бейеү ансамбле 3 дәрәжә дипломға һәм «Милли хореографияға һәм традицион башҡорт кейеменә һаҡсыл мөнәсәбәте өсөн» номинацияһына лайыҡ булды. Бейеүселәребеҙҙе ҡотлайбыҙ, ижади уңыштар, дәрт-дарман һәм яңы сағыу еңеүҙәр теләйбеҙ!

фото:Хәйбулла районы Мәғариф идаралығы.