Тәмле икән ыуыҙ ҡоймағы!

Һыйыр быҙаулағас та ыуыҙҙан ҡоймаҡ ҡойоп күрше-тирәне һыйлау — башҡорттарҙың боронғо йолаһы.

Ыуыҙ тәүге өс көндә генә була. Ул төрлө витаминдарға бай. Ыуыҙ һөттән ныҡ айырыла. Ул ҡуйы, майлы, һарғылт төҫтә һәм әскелтем тәм әйтә.

Ҡоймаҡ өсөн бер литр ыуыҙ һөтөнә ярты балғалаҡ шәкәр, ярты балғалаҡ тоҙ, кәрәкле ҡуйылыҡҡа еткәнсе он алына. Бер аҙ һөт йәки ҡайнаған һыу, бер аш ҡалағындай көнбағыш майы ҡушырға мөмкин. Юғиһә, ул ҡаты буласаҡ. Бөтәһен бергә һалып туҡыйбыҙ ҙа, ғәҙәттәгесә, ҡоймаҡ кеүек итеп ҡоябыҙ.

Телде йоторлоҡ ҡоймаҡ әҙер! Ашығыҙ тәмле булһын!

Сығанаҡ һәм фотолар: Йәнтеш мәҙәниәт йорто.