Яңы йыл - ул бөтәбеҙҙең дә яратҡан әкиәт персонаждары килтергән мөғжизә тойғоһо. Һәр бала бүләктәрҙе Ҡыш бабай биргәнен белә һәм Яңы йыл алдынан ул мотлаҡ уға ла киләсәк тип ышана. Федоровка ауылы мәҙәниәт йорто хеҙмәткәрҙәре китапханасы менән берлектә «Әкиәтте өйгә саҡырығыҙ!» акцияһын үткәрҙе. Ҡыш бабай менән Ҡарһылыу именлек, ныҡлы сәләмәтлек, бәхет теләп, балаларҙы һәм ауылдаштарҙы Яңы йыл бүләктәре менән ҡыуандырҙы.