Геноцид ҡорбандарын иҫкә алдылар

Аҡъяр ауылының 3-сө мәктәбендә  Бөйөк Ватан һуғышы йылдарында нацистар һәм уларҙың ярҙамсылары тарафынан Совет халҡына ҡаршы ҡылынған енәйәттәрҙең ҡорбандарын иҫкә алыу көнөнә арналған аҙналыҡ линейка үтте. 

Иҫтәлекле датаның маҡсаты – фашист илбаҫарҙары баҫып алған биләмәләрҙә Советтар Союзының тыныс халҡына ҡарата ҡылынған енәйәттәр тураһында тарихи дөрөҫлөктө һаҡлау.
Һуғыш ваҡытында 26,6 миллиондан ашыу совет кешеһенең һәләк булыуы тураһында хәҙерге йәш быуынға еткереү мөһим. Өҫтәүенә, уларҙан 18 миллиондан ашыу тыныс граждандар үлтерелә, яндырыла, тереләй ерләнә, концлагерҙарҙа язалана, тағы миллиондарса кеше йортһоҙ, туғандарһыҙ ҡала һәм бала сағынан мәхрүм ителә.

"Линейка барышында беҙ тарихтың фажиғәле биттәрен иҫкә төшөрҙөк, аяуһыҙ енәйәттәр ҡорбаны булған миллионлаған ғәйепһеҙ кешене хөрмәтләп иҫкә алдыҡ һәм тарихи хәтерҙе һаҡлауҙың мөһимлеген һыҙыҡ өҫтөнә алдыҡ. Тыныслыҡ, үҙ-ара ихтирам һәм бындай фажиғәләрҙе ҡабатлауҙың яраҡһыҙлығы әһәмиәтенә айырыуса иғтибар бүленә. Беҙҙең йөрәктәрҙә һәр ваҡыт үткәндәрҙе, ә бөгөнгө һәм киләсәктә тыныслыҡҡа, изгелеккә һәм үҙ-ара аңлашыуға ынтылыш һаҡланһын" - ти сараны ойоштороусылар.