Был үҙәк импортты алмаштырыу мәсьәләләрен хәл итергә ярҙам итә

Өфөлә Евразия ғилми-белем биреү үҙәгенең вуз-ара кампусы майҙансығында Өфө дәүләт нефть техник университетының Реверсив инжиниринг үҙәге эшләй. Ул конструкторҙар бюроһы өсөн ихтыяжлы хеҙмәттәрҙе башҡара. Санкция баҫымы һәм логистик сылбырҙарҙың өҙөклөгө һөҙөмтәһендә предприятиелар комплектлау ҡорамалдарының етмәүе, ҡорамалдарҙы ремонтлауҙа һәм хеҙмәтләндереүҙә өҙөклөктәр менән осраша. Ошо мәсьәләләрҙе хәл итергә реверсив инжиниринг ярҙам итә, ул өлгөһө йәки үлсәүҙәре буйынса деталдең геометрияһы тергеҙелә, конструктор документацияһы әҙерләнә һәм әҙерләү технологияһы һайлап алына.

Үҙәк Өфө дәүләт нефть техник университетының Нефть-газ инжинирингы һәм һанлы технологиялар институтында булдырылған һәм ике майҙансыҡта – институтта һәм вуз-ара кампус базаһында эшләй.

Һуңғы йылда үҙәктең командаһы сәнәғәт өсөн бер нисә практик проектты бойомға ашырҙы. Улар араһында ҡатмарлы профилле ҡойоу өҫтө булған тау мәғдәне машиналары деталдәренең ҡаты геометрияһын тергеҙеү, шулай уҡ ҡатышма ҡорамалдар редукторҙарын механик тапшырыуҙы тергеҙеү буйынса эштәр бар.

Реверсив инжиниринг үҙәге Башҡортостан Республикаһы Башлығы Радий Хәбировтың бойороғо нигеҙендә тышҡы санкциялар баҫымы шарттарында төбәктең тотороҡло үҫешен тәьмин итеү, яңы продукцияны үҙләштереү мәсьәләләрендә төбәктең төп предприятиелары менән үҙ-ара эш итеү өсөн Өфө дәүләт нефть техник университетында ойошторолған.

Белешмә өсөн:

Рәсәй Президенты Владимир Путиндың ҡушыуы буйынса илдә заманса кампустар селтәре булдырыла. 2030 йылға 25 кампус барлыҡҡа килергә тейеш. Эште Рәсәй Федерацияһы Хөкүмәте һәм Рәсәй Мәғариф һәм фән министрлығы алып бара. Әлеге ваҡытта «Йәштәр һәм балалар» милли проекты ярҙамында 24 кампус проектлана һәм төҙөлә. 2036 йылға кампустар һаны 40-ҡа етәсәк.

Өфө вуз-ара кампусы – ул 4,3 мең кешегә иҫәпләнгән торлаҡ биналары, уҡыу фәнни комплексы, лабораториялар, эшлекле зоналар, магазиндар, скверҙар һәм башҡа төрлө уңайлы ҡала мөхите объекттары булған студенттар киңлеге.

Фото һәм сығанаҡ: campusufa.ru

Беҙҙең МАХ каналына https://max.ru/gazetabashkortostan ҡушылығыҙ!