Һау бул, «Әлифба»!

3-сө Аҡъяр мәктәбендә 1-се кластар өсөн «Әлифба» байрамы үтте.
Әлифбаны уңышлы тамамлауҙары менән ҡотларға байрамға ата-әсәләр килделәр.
Сентябрь айында мәктәпкә тәүге аяҡ баҫҡан беренселәр үҙҙәренең тәүге уңыштары менән уртаҡлаштылар, алған белемдәрен күрһәттеләр, шиғырҙар һөйләнеләр, йырҙар йырланылар. Дипломдар алдылар.
Киләсәктә тағы ла тырышып уҡырҙар, төрлө ярыштарҙа әүҙем ҡатнашырҙар тигән өмөт уятты улар.
Беренселәрҙе уҡырға өйрәтеүҙә күп көс түгеүсе ата-әсәләре һәм беренсе уҡытыусылары Гөлшат Әхәт ҡыҙы, Гүзәл Шәфҡәт ҡыҙы һәм башланғыс кластарҙа уҡытыу-тәрбиә эштәре буйынса директор урынбаҫары Рәмилә Рәшит ҡыҙы Хәсәнова “Белем иленең” юғары баҫҡысына күтәрелеүҙә балаларға уңыштар теләне.
Байрамдан барыһы ла күтәренке кәйеф, дәрт, илһам алып таралышты.