«Кадеттар» командаһы беренсе!

"Йәш Ватанды һаҡлаусылар" - Ватанды һаҡлаусылар көнөнә арналған спорт сараһы ошо исем аҫтында үтте. Ойоштороусылар булып Аҡъяр ауылының Балалар ижады йорто һәм Хәйбулла районындағы Ғаилә хеҙмәте сығыш яһаны. Байрамға махсус хәрби операцияла ҡатнашыусылар саҡырылды.

Был үҙенсәлекле көндә балалар әүҙемлек, оҫталыҡ һәм команда рухы күрһәтә. Малайҙар төрлө эстафеталарҙа һәм спорт уйындарында ҡатнашып, үҙҙәренең иң яҡшы сифаттарын күрһәтә алды. Уларҙың һәр береһе - ысын герой, сөнки һәр төрлө ҡаршылыҡтарҙы еңеп сыға ала!

Балалар өсөн мауыҡтырғыс конкурстар әҙерләнде: "Көйҙө бел", "Төймә тегеү", «Беренсе ярҙам күрһәтеү», «Ребус сисеү», «Мәргән уҡсы» — уларҙа һәр кем үҙ командаһы өсөн мәрәй йыйырға тырыша.
Уйын йомғаҡтары буйынса 3-сө урынды «Ватан» һәм «Монолит» командалары яуланы, икенсе урынды «Хәйбулла» һәм «Еңеү вариҫтары» командалары алды, беренсе урынға «Кадеттар» командаһы лайыҡ булды. Бөтә командалар ҙа Почет грамоталары һәм татлы бүләктәр алды, ә еңеүселәр «Таналыҡ» бассейнына абонемент менән бүләкләнде.