Үҙ һөнәренең оҫталары

Аҡъяр ауылының полилингваль күп профилле мәктәбендә “Йыл уҡытыусыһы-2025” муниципаль конкурсы лауреаттары, призерҙары һәм еңеүселәрен тәбрикләү тантанаһы уҙҙы.

Быйыл конкурста 20 уҡытыусы һәм өҫтәмә белем биреү педагогы ҡатнашты. Улар ике аҙна дауамында асыҡ дәрестәр һәм оҫталыҡ кластары күрһәтте.

Конкурс һөҙөмтәләре буйынса түбәндәге уҡытыусылар еңеүсе булып танылды:

“Йыл уҡытыусыһы-2025” район конкурсының абсолют еңеүсеһе - 2-се Аҡъяр мәктәбенең физкультура  уҡытыусыһы Артур Рәхмәтов. 

“Башҡорт теле һәм әҙәбиәтенең йыл уҡытыусыһы” муниципаль конкурсы еңеүсеһе – 1-се Аҡъяр мәктәбенең башҡорт теле һәм әҙәбиәте уҡытыусыһы Венера Йәрмөхәмәтова.

“Рус  теле һәм әҙәбиәтенең йыл уҡытыусыһы” муниципаль конкурсы еңеүсеһе – 3-сө Аҡъяр  мәктәбенең рус теле һәм әҙәбиәте уҡытыусыһы Зинира Собханғолова.

“Призвание-2025” муниципаль конкурс еңеүсеһе -  2-се Аҡъяр мәктәбенең физика уҡытыусыһы Мәүлиҙә Ҡадаева.

“Өҫтәмә белем биреү педагогы-2025”  муниципаль конкурсы еңеүсеһе – Аҡъяр ауылының Балалар ижад йорто һәм Һамар мәктәбе педагогы Ольга Правиднова.