Беҙ бергә – ҙур көс!

Махсус хәрби операцияла ҡатнашыусылар һәм "Йәш армеецтар" штабы начальнигы Таһир Ишемғолов Орск ҡалаһының 49-сы мәктәбендә булды. "Мясник", "Бурый" һәм "Шах" позывнойлы яугирҙар мәктәптең юбилейы уңайынан тантаналы сараның почетлы ҡунаҡтары була.

1941-1945 йылдарҙағы бөйөк Ватан һуғышында совет халҡының еңеүенең 60 йыллығы исемен йөрөткән белем усағында балаларҙы хәрби-патриотик тәрбиәләүгә ҙур әһәмиәт бирелә. Ырымбур өлкәһе Орск ҡалаһы ирекмәндәре менән осрашыуҙа СВО-ла ҡатнашыусылар һалдаттарға гуманитар ярҙам йыйыуҙа һөҙөмтәле эшләү буйынса бик күп файҙалы мәғлүмәт бирҙе.
Хәйбулла районы һәм Орск ҡалаһы "Йәш армеецтар" штабтары начальниктары балаларҙы хәрби-патриотик тәрбиәләүҙәге эште һәм ике бүлексә араһында артабанғы хеҙмәттәшлек мөмкинлектәрен тикшерҙе.