Бүребай мәктәбе уҡыусылары «Рәсәй бөркөттәре» йәмәғәт ойошмаһы сафына ҡабул ителде

Бөгөн Бүребай ауылы мәктәбендә башланғыс кластар уҡыусыларын «Рәсәй бөркөттәре» хәрәкәтенә бағышлау тантанаһы үтте.

«Рәсәй бөркөттәре» йүнәлеше Рәсәй балалар һәм йәштәр хәрәкәтенең беренсе баҫҡысы булып тора. 12 башланғыс класта белем алған 232 бала тантаналы рәүештә ант бирҙе һәм башҡа балалар өсөн өлгө булырға, үҙ класы менән бер бөтөн булырға вәғәҙә итте. Сарала  район хакимиәте башлығының социаль мәсьәләләр буйынса урынбаҫары Роза Рәсембәтова, район мәғариф идаралығының методика бүлеге мөдире Рәмзиә Ильясова, методист Эльвира Әлибаева, Бүребай ауыл моделдәр китапханаһы мөдире Лилиә Билалова һәм "Бала саҡ навигаторҙары" проектының муниципаль координаторы Лилиә Бағышаева ҡатнашты. Улар "Бөркөттәргә" өгөт-нәсихәт һүҙҙәре әйтте, ҡотланы һәм өҫтәл уйындарын тапшырҙы.
Артабан тантаналы шарттарҙа балаларға значоктар һәм сумкалар тапшырыла, ә уҡытыусыларға галстуктар бәйләнә.