Бүребай ауылы уҡыусыларының башланғысы тормошҡа ашты!

2023 йылдың яҙында Бүребай ауылы мәктәбенең өлкән класс уҡыусылары советы "Уҡыусылар башланғыстары" федераль программаһында ҡатнашты.
Балалар мәктәпте яңыртыу проекттарын әҙерләне.

Иң яҡшы 5 проект 5-11-се кластар уҡыусылары хөкөмөнә тәҡдим ителә. Тауыш биреү һөҙөмтәләре буйынса иң яҡшыһы тип "Заман ритмы" (акт залын реконструкциялау)  проекты һайлана, уның авторҙары  9-сы "б" класы уҡыусылары.
Артабан уҡытыусыларҙың эшсе төркөмө һәм мәктәп директорҙары республика конкурсында ҡатнашыу өсөн ғариза әҙерләгән. Һәм һуңынан 750 000 һумлыҡ был проекттың еңеүе билдәле була!

Проект буйынса акт залында ремонт үткәрелә, акустик һәм яҡтылыҡ ҡорамалдары һатып алына, жалюзилар ҡуйыла.
Был яңыртылған урын оҙаҡ йылдар уҡыусыларҙы ҡыуандырыр тип ышанабыҙ!