Яңы мәктәпкә - яңы ҡорамалдар

Аҡъяр ауылының 3-сө мәктәбенә уҡыу кабинеттары өсөн яңы ҡорамалдар килеүен дауам итә.

Химия, физика һәм биология кабинеттары өсөн заманса уҡыу-лаборатория ҡорамалдары тәбиғәт фәндәре йүнәлешендәге тикшеренеүҙәрен ойоштороу өсөн файҙаланаласаҡ. Һанлы лабораториялар -  тәбиғи фәндәр циклы дәрестәрендә демонстрация һәм лаборатория экспериментын үткәреү өсөн ҡорамалдар һәм программа тәьминәте. Улар ярҙамында мәктәп программаһына ингән эштәрҙе лә, бөтөнләй яңы тикшеренеүҙәрҙе лә үткәрергә мөмкин. Һанлы лаборатория ҡорамалдары универсаль, төрлө эксперименталь ҡоролмаларға индерелергә мөмкин, уның ярҙамында тәжрибәләр үткәрергә, уҡыусыларҙың һәм уҡытыусыларҙың ваҡытын экономияларға мөмкин.

Өҫтәмә йыһазландырыу сиктәрендә шулай уҡ эске камералар менән йыһазландырылған интерактив панелдәр (6 дана), электрон китапхана, виртуаль ысынбарлыҡтың мобиль класы, лингафон кабинеттары, музыка ҡорамалдары һәм инструменттары, спорт инвентары, технология кабинеты өсөн инструменттар һәм станоктар, башланғыс кластар өсөн уҡыу-ҡулланма материалдары, робототехник йыйылмалар һәм 3D-принтерҙар килде, йәшәйеш хәүефһеҙлеге нигеҙҙәре кабинеты өсөн ҡорамалдар, планшеттар, ноутбуктар, аудиокитаптар (MyBook), мәктәп нәшриәте өсөн ҡорамалдар, логопедтың профессиональ интерактив өҫтәле, һөйләүсе көҙгө, логопед кабинеты өсөн инструменттар һәм ҡорамалдар, ҡом менән һүрәт төшөрөү өҫтәле, сенсор кабинеты һәм башҡалар.

Бөтәһе 55 886 589,95 һумлыҡ ҡорамалдар килде. Яҡын арала мебель, спорт инвентары, башланғыс кластар өсөн уҡыу-ҡулланма саралары, география, математика, тарих, рус теле һәм әҙәбиәте, химия, астрономия, музыка, ИЗО, ОБЖ кабинеттары өсөн ҡорамалдар килтереү көтөлә. Ҡорамалдарҙың дөйөм суммаһы 78 миллион һум тәшкил итә.