Юбилейың менән, «Шатлыҡ»!

Бала саҡ илендә юбилей: «Шатлыҡ» балалар баҡсаһы үҙенең 10 йыллыҡ юбилейын билдәләне!

Коллективты район хакимиәте етәкселеге, коллегалары, тәрбиәләнеүселәрҙең ата-әсәләре һәм балалар учреждениеһының күп һанлы партнерҙары ҡотларға килде.

10 йыл эсендә балалар баҡсаһында 800-ән ашыу бала лайыҡлы тәрбиә һәм төрлө белем алып, хәҙер мәктәп уҡыусыларына әйләнгән. 

Матур юбилей датаһы уңайынан, мәктәпкәсә белем биреү учреждениеһы тәрбиәләнеүселәре һәм педагогтары сағыу бейеү һәм вокал номерҙарын башҡарып, байрам концерты әҙерләне. Яратҡан тәрбиәселәрен байрам менән ҡотларға балалар баҡсаһына хатта уның элекке тәрбиәләнеүселәре лә килде!

Балалар баҡсаһында һәр ваҡыт шатлыҡ һәм сабыйҙарҙың көлөүе генә хакимлыҡ итә. Һәм һәр ваҡыт шулай булһын, киләһе юбилейға балалар һәм уларҙың остаздарының хәтирәләре тупланмаһында тағы ла сағыуыраҡ ваҡиғалар булһын. Юбилейың менән, «Шатлыҡ»!