Бөгөн М.Аҡмулла исемендәге Башҡорт дәүләт педагогия университетында «Башҡортостандың йыл уҡытыусыһы» республика конкурсына аралаш йомғаҡ яһалды. Балдар суммаһы буйынса 3-сө турҙа ҡатнашыусылар билдәләнде. Аҡъяр ауылының 1-се мәктәбенән башланғыс кластар уҡытыусыһы Нурзилә Йәнтүрина финалға сыҡты.
Иртәгә бөтә финалистар ҙа «Уҡытыусы-оҫта» тип аталған өсөнсө турҙың тәүге һынауында сығыш яһай: уҡытыусылар Башҡортостан Республикаһы Мәғарифты үҫтереү институтында оҫталыҡ дәрестәре күрһәтә. Уңыштар һеҙгә, Нурзилә Шәкирйән ҡыҙы!
Ә Һамар ауылы мәктәбенең башланғыс кластар уҡытыусыһы Мария Пикалова һәм Подольск ауылы мәктәбенең рус теле һәм әҙәбиәте уҡытыусыһы Дарья Янушкина ҡатнашыусы дипломдары менән бүләкләнде! Ҡотлайбыҙ!