Үҙ һөнәренең оҫталары билдәләнде

Районда иң яҡшы һәм талантлы уҡытыусыларҙы асыҡларға ярҙам иткән, педагог һөнәренең имиджын күтәргән был конкурс йыл да уҙғарыла һәм иң-иңдәрҙе асыҡлай.
Быйылғы бәйгелә 12 мәктәптән 20 педагог ҡатнашып, финалға 10 уҡытыусы үтте. Улар “Йыл уҡытыусыһы” исеменә лайыҡ булыу өсөн көс һынашты.

Шулай итеп,  “Йыл педагогы-2023”  бәйгеһендә - Аҡъяр ауылының балалар һәм үҫмерҙәр спорт мәктәбенең өҫтәмә белем биреү педагогы Илфат Баҡтыбаев, “Булмыш” бәйгеһендә - Һамар мәктәбе уҡытыусыһы Мария Пикалова, “Рус теле һәм әҙәбиәте йыл уҡытыусыһы”  бәйгеһендә Подольск мәктәбе уҡытыусыһы Дарья Янушкина еңеү яуланы.

“Йыл уҡытыусыһы -2023” район бәйгеһенең абсолют еңеүсеһе булып  1-се Аҡъяр мәктәбе уҡытыусыһы Альбина Баҡтыбаева танылды.

Бәйге еңеүселәренә һәм ҡатнашыусыларға грамоталар, аҡсалата сертификаттар тапшырылды.