Кем иң яҡшы ашнаҡсы?

Аҡъяр тау колледжында өсөнсө йыл рәттән сәләмәтлек мөмкинлектәре сикләнгәндәр өсөн кулинария шоуы ойошторола.

Сәләмәтлек мөмкинлектәре сикләнгән төркөмдө тамамлаусы студенттар, Абилимпикс чемпионаты призерҙары Земфира Ҡыуатова һәм Гөлиә Исҡужина  был сараның ҡунаҡтары булды. Уларға Абилимпикс чемпионатының әҙерлек этабында ҡатнашыусы сертификаты тапшырылды. Әйтергә кәрәк улар чемпионатта Башҡортостан Республикаһы исеменән сығыш яһаны. Кулинария шоуында ҡыҙҙар ПК-22  һәм төрлө төркөмдәрҙә уҡыған сәләмәтлек мөмкинлектәре сикләнгән студенттар йыйылмаһы командалары капитандары булды. Командалар меню эшләүҙә, аштар өсөн продукттар йыйыуҙа ярышты, шулай уҡ һәр кем үҙенсәлекле ҡоймаҡ әҙерләне һәм шаурма әҙерләне. Ярыш дуҫтарса мөхиттә үтте.