Тәнзилә Нурғәлина ҡабарып торған күмәстәр бешерә

Муниципаль ата-әсәләр йыйылышы сиктәрендә Бүребай сәнғәт мәктәбе, Аҡъяр ауылы Балалар ижады йорто һәм Бүребай ауылы мәктәбе уҡыусыларының әүҙем әсәләре ижады эштәренән күргәҙмә ойошторолдо. Үҙ балаларына өлгө итеп, мәктәптәге иң яҡшы уҡыусыларҙың әсәләре оҫталыҡ дәрестәрен һәм ҡул эштәре күргәҙмәһен уҙғарҙы.

8-се "и" класы уҡыусыһының әсәһе Тәнзилә Нурғәлина мәктәп ашнаҡсыһы булып эшләй. Ул бик яҡшы кондитер ҙа, был турала Тәнзилә Салауат ҡыҙының ҡабарып торған икмәк-күмәс изделиелары  дәлилләй.

Күргәҙмәләге матур эштәр һәм оҫталыҡ дәрестәре ҡунаҡтарҙа ҙур ҡыҙыҡһыныу уятты.