"Шатлыҡ"тарға уңыштар теләйек!

"Тыуған ил ҡайҙан башлана..." - уҡытыусыларҙың «Виват, таланттар!» икенсе ижади фестиваленең темаһы. Фестиваль тәжрибә уртаҡлашыу, ижади аралашыу мөхитен булдырыу һәм педагогик хеҙмәткәрҙәрҙең ижади фестивалдәрен берләштереү маҡсатында уҙғарыла. Ойоштороусылар - Дөйөм Рәсәй Мәғариф профсоюзы һәм Заманса сәнғәт институты менән берлектә «Мәғариф технологиялары - киләсәк гармонияһы» яуаплылығы сикләнгән йәмғиәте.

Аҡъяр ауылы "Шатлыҡ" балалар баҡсаһы коллективы республика этабында лауреат тип танылды һәм конкурстың Мәскәүҙә үтәсәк киләһе этабына үтте. Коллективҡа уңышлы сығыш яһауын теләйбеҙ!