Яңы Ергән мәктәбендә балаларҙы бәләкәйҙән эшһөйәрлеккә өйрәтәләр.
Бында мәктәп баҡсаһында емеш-еләк, йәшелсәләр үҫтереүҙән тыш, бройлерҙар ҙа аҫрайҙар. Йәй буйы уҡыусылар һәм уҡытыусылар уларҙы тәрбиәләп үҫтереп, әле эшкәртә лә башлағандар. Унда өлкән класс уҡыусылары ла, мәктәп персоналы, ашхана хеҙмәткәрҙәре әүҙем ҡатнаша. Бынан тыш, мәктәп яны участкаларында көҙгө баҡса эштәре башҡарылған, йәшелсәләр ҡышҡы һаҡлауға әҙерләнә.