Яңы Ергән мәктәбендә «Үҫеш нөктәһе» үҙәге асыласаҡ

Яңы Ергән ауылы мәктәбендә «Үҫеш нөктәһе» белем үҙәген асыу күҙаллана. Был мөһим һәм көтөлгән ваҡиға «Мәғариф» милли проектына ҡараған «Заманса мәктәп» федераль программаһы ярҙамында бойомға ашырыла.  Яңы үҙәк фәнни-тәбиғи һәм технологик йүнәлешендәге төп һәм өҫтәмә программалары буйынса белем биреүҙе ғәмәлгә ашырыу өсөн шарттар тыуҙырасаҡ һәм яңы мөмкинлектәр асасаҡ. Федераль проект сиктәрендә мәктәпкә яңы ҡорамалдар килтерелде: һанлы лабораториялар, механика, мехатроника һәм робототехника буйынса күнекмәләр өсөн йыйылмалар.

Мәғлүм булғанынса, "Үҫеш нөктәләре" - ул махсус белем үҙәктәре. Улар ауыл һәм бәләкәй ҡалалар мәктәптәре нигеҙендә барлыҡҡа килә. Бында балалар һанлы, тәбиғи-фәнни, техник һәм гуманитар йүнәлештәр буйынса белем ала. Һәр "Үҫеш нөктәһе" - бөтөнләй яңы белем алыу майҙаны, улар берҙәм стилдә биҙәлә, заманса ҡорамалдар менән байытыла. Улар өс йүнәлештә - физика, биология, химияла - ҡулланыла.

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан