Уҡыуҙың беренсе модуле тамам

Рәсәй экспорт үҙәгенең Экспорт мәктәбендә “Төбәктәр экспорты 2.0” төбәк идара итеү командаһы өсөн белем биреү курсының беренсе модуле тамамланды. Программа “Халыҡ-ара кооперация һәм экспорт” милли проекты сиктәрендә ойошторола.

– Башҡортостанда “Төбәк экспорты стандарты 2.0” төбәктең үҙенсәлеген иҫәпкә алып экспорт өсөн уңайлы шарттар булдырыуҙа мөһим этап. “Төбәк экспорты стандарты 2.0” беҙҙең республикала экспортҡа ярҙам системаһын комплекслы үҫтереүгә һиҙелерлек йоғонто яһаясаҡ, – тип билдәләне Башҡортостан Республикаһының тышҡы бәйләнештәр һәм конгресс эшмәкәрлеге буйынса дәүләт комитеты рәйесенең беренсе урынбаҫары Лена Изотова.

Уҡыу барышында экспортты үҫтереү программаһын әҙерләү буйынса лекциялар, ғәмәли күнекмәләр һәм экспортты үҫтереү төбәк проектын әҙерләү һөҙөмтәлелеген үҫтереү буйынса команда эштәре ойошторолдо.

Уҡыу һөҙөмтәһе буйынса Рәсәй Федерацияһы төбәктәре Рәсәй экспорт үҙәгенең Эскпорт мәктәбе менән берлектә төбәк идара итеү командаһын уҡытыу һәм бәләкәй, урта эшҡыуарлыҡ субъекттары вәкилдәре өсөн белем биреү программаларын тормошҡа ашыра башлау мөмкинлеген аласаҡ.

“Төбәктәр экспорты 2.0” төбәк идара итеү командаһы өсөн программаның икенсе модуле 26-28 августа үтәсәк.

Фото: БР  Тышҡы бәйләнештәр һәм конгресс эшмәкәрлеге буйынса дәүләт комитеты сайтынан.

 
#ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан