

Бөгөн төндә Ауырғазы районы Туҡай ауылының Йылға арьяғы урамындағы йортта янғын сыҡҡан.
Ҡыҙғанысҡа ҡаршы, һүндереү һәм конструкцияларҙы һүтеү барышында ике кешенең мәйете табыла: береһе 62 йәшлек ир, икенсе кешенең шәхесе асыҡлана. Ваҡиға буйынса тикшереү бара.
Рәсәй Ғәҙәттән тыш хәлдәр министрлығы хәүефһеҙлек ҡағиҙәләрен иҫкә төшөрә:
Торлаҡҡа янғын тураһында иҫкәртеүсе прибор ҡуйығыҙ-ул көслө тауыш менән бәлә тураһында иҫкәртәсәк.
Электр сымдарының һәм йылытыу приборҙарының төҙөклөгөн күҙәтегеҙ.
Асыҡ ут сығанаҡтарын ҡарауһыҙ ҡалдырмағыҙ.
Фото:Рәсәй Ғәҙәттән тыш хәлдәр министрлығы