

Бөгөн иртән Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары Баймаҡ районының Хәсән ауылында булған юл-транспорт ваҡиғаһы урынына юлланды.
Ведомствоның яҡынса мәғлүмәттәре буйынса, Hino йөк машинаһы менән Lada Kalina бәрелешкән. Еңел машинала ултырған ике ҡыҙ төрлө йәрәхәттәр алған һәм Сибай дауаханаһына оҙатылған.
Авария сәбәптәре асыҡлана.