Ҡот осҡос фажиғәлә ир менән ҡатын һәләк булған ...

Кисә кис Өфө – Ырымбур автомобиль юлының 217-се километрында ҡот осҡос авария булған. Яҡынса мәғлүмәттәр буйынса, 60 йәшлек ир идара иткән "Opel Astra" еңел автомобиле һәм "Yutong" автобусы бәрелешкән, тип хәбәр итә ГАИ-ның матбуғат хеҙмәте.

Фажиғә һөҙөмтәһендә еңел автомобиль водителе һәм уның 50 йәшлек пассажиры ашығыс медицина ярҙамы килгәнгә тиклем вафат була. Бынан тыш, "Башинформ" мәғлүмәт агентлығы мәғлүмәттәре буйынса, аварияла һәләк булған ир менән ҡатын яңыраҡ ҡына өйләнешкән һәм аэропортҡа барып, Төркиәгә осорға йыйынғандар.

Билдәле булыуынса, автобус салонында 10 пассажир булған, ул Өфө – Күмертау маршруты буйынса йөрөгән. Автобуста бер кем дә зыян күрмәгән.

фото:ГАИ