Трассала 8 машина ҡатнашлығында авария булған...

Дәүләт автоинспекцияһы хеҙмәткәрҙәре Өфө районында юл-транспорт ваҡиғаларының сәбәптәрен асыҡлай.

Бер версия буйынса, йөк машинаһының тәгәрмәсе шартлай һәм транспорт ауҙарыла, шуға бәйле үтеп барған автомобилдәр зыян күреүселәр юҡмы икәнен белергә туҡтай. Һөҙөмтәлә бер-бер артлы автомобилдәр М5 Урал федераль трассаһының  1448-1449 км арауығында 4 төрлө юл-транспорт ваҡиғаһына эләгә. Бөтәһе һигеҙ транспорт сараһы бәрелешә.

Автомобилдәр механик зыян күрә. Зыян күреүселәр юҡ. Әлеге ваҡытта М-5 "Урал" трассаһында хәрәкәтте ҡыйынлаштырыуға юл ҡуйылмаған. Дәүләт автоинспекцияһы хеҙмәткәрҙәре урында авариялар буйынса документтар әҙерләй.

фото:ЮХХДИ, МЧС РБ