Иҫерек водителдең ҡатыны полицейскийҙарҙың эшенә ҡамасаулаған

Фото:видеонан скриншот

Башҡортостандың Стәрлетамаҡ районында полиция хеҙмәткәрҙәренә ҡарата законһыҙ ғәмәлдәр өсөн ҡатын яуаплылыҡҡа тарттырыла. Ҡатын полиция хеҙмәткәрҙәренә иҫерек килеш машина йөрөткән ире тураһында материал яҙырға ҡамасауларға маташа.

Башҡортостандың баш автоинспекторы Владимир Севастьянов хәбәр итеүенсә, Уҫылыбаш ауылында юл-патруль хеҙмәте инспекторы һәм Эске эштәр министрлығының участка вәкиле составындағы полиция экипажы рейд саралары ваҡытында «Skoda Yeti» ға иғтибар итә, ул юлда бер яҡтан икенсе яҡҡа бормаланып хәрәкәт итә.

Полиция хеҙмәткәрҙәре автомобилде туҡтатҡандан һуң, 45 йәшлек урындағы кеше иҫерек килеш машина менән идара итеүе асыҡлана. Ул урында тикшереүҙән баш тарта, әммә медицина учреждениеһына тикшереү үтергә барырға ризалаша.

Процессуаль документтар төҙөгән ваҡытта водителдең 45 йәшлек ҡатыны полиция хеҙмәткәрҙәрен мыҫҡыллай башлай, ә һуңынан патруль машинаһының хәрәкәтенә ҡамасаулай.

Медицина ойошмаһында ирҙең иҫерек булыуы асыҡланған. Прибор 1,100 мг/л күрһәтә. Уға ҡарата РФ Административ хоҡуҡ боҙоуҙар кодексының 12.8 статьяһының 1-се бүлеге буйынса административ протокол төҙөлгән. Енәйәтсенең автомобиле штраф туҡталҡаһына ҡуйылған.

Ә пассажир ҡатынға ҡарата полиция хеҙмәткәренең законлы бойороғона буйһонмаған өсөн РФ Административ хоҡуҡ боҙоуҙар кодексының 19.3 статьяһы буйынса административ протокол төҙөлгән. Бынан тыш, граждандарға ҡарата тәфтиш органдары власть вәкилен мыҫҡыллау һәм власть вәкиленә ҡарата көс ҡулланыу тураһында енәйәт эштәре ҡуҙғата.

Видео:ЮХХДИ

Автор:Раян Атанбаев

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Об использовании персональных данных

Свидетельство о регистрации СМИ: ПИ № ТУ 02-01797 от 19 мая 2025 года выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан.

Некоторые материалы сайта «Хәйбулла хәбәрҙәре» предназначены для пользователей старше 16 лет.

Главный редактор: 8(34758) 2-14-95

Рекламная служба: 8(34758) 2-15-62

Е-mаil: haib_vestnik@mail.ru

Телефон

8(34758)2-14-95

Электрон почта

haib_vestnik@mail.ru

Адресы

453800, Башкортостан, Хайбуллинский район, с.Акъяр,пр.С.Юлаева, д.41.

Реклама хеҙмәте

8(34758)2-15-62