Шишмә районының Дим ауылында бер кеше спиртлы эсемлектәр эсә, тәмәке тарта һәм йоҡлап китә, тәмәкеһен һүндермәй, төтөнгә саҡ тыны ҡыҫылмай ҡала. Уны янғын тураһында иҫкәртеүсе прибор ҡотҡарған: ҡорамалдың көслө тауышынан иҫерек ир уянған. Һуңыраҡ асыҡланыуынса, банкалағы тәмәке төпсөгө ныҡ быҫҡый башлай һәм бүлмә төтөн менән ялмап алына.
Мини-сиренаның эшләүе арҡаһында йорт хужаһы зыян күрмәй.
«Ут менән һаҡһыҙ эш итеү һөҙөмтәһендә быйыл ғинуар айында ғына 18 кеше һәләк булған, шуларҙың 16-һы — тәмәке тартҡанда. Статистика буйынса, тәмәке тартыу һәм иҫерек килеш ут менән һаҡһыҙ эш итеү — янғындарҙа кешеләрҙең һәләк булыуының иң киң таралған сәбәптәренең береһе», — тип хәбәр иттеләр Башҡортостандың Ғәҙәттән тыш хәлдәр буйынса дәүләт комитеты.
Фото:Ксения Калинина (Башинформ)