Өфөлә 20 йәшлек Лиана Нафиҡова хәбәрһеҙ юғалған. Был хаҡта 15 февралдә «Бәйләнештә» социаль селтәрендә «Лиза Алерт. Башҡортостан» эҙләү-ҡотҡарыу отряды ирекмәндәре хәбәр итте. 12 февралдән уның ҡайҙа икәнлеге билдәһеҙ.
Билдәләре: буйы 163 сантиметр, уртаса кәүҙәле, ерән сәсле, йәшел күҙле. Ул ҡара куртка, джинсы, аҡ ботинка кейгән.
Юғалған ҡыҙ хаҡында ниндәй ҙә булһа мәғлүмәткә эйә булғандарҙан 8 (800) 700-54-52 йәки 112 телефондары буйынса хәбәр итеүҙәрен һорайҙар.