Өс кешенең ғүмер өҙөлгән...

Бөгөн көндөҙ Учалы районында Белорет-Учалы-Мейәс трассаһында ҡот осҡос авария булған, унда ике кеше һәләк булған. Республика дәүләт автоинспекцияһы мәғлүмәттәре буйынса, «Рено» фургоны һәм ҡаршыға килгән «ВАЗ-2110» автомобиле төкөшкән.

Һөҙөмтәлә еңел автомобиль пассажиры — ир ашығыс ярҙам килгәнсе һәләк була. Руль артындағы ҡатын дауаханаға алып барылғанда вафат була. Ваҡиға урынында дәүләт автоинспекцияһы һәм башҡа ашығыс хеҙмәттәр хеҙмәткәрҙәре эшләй. Фажиғә сәбәптәре асыҡлана.

Бөгөн Әбйәлил районында ла фажиғә теркәлгән. Авария иртәнге 11 сәғәттә Ҡыҙыл Башҡортостан-Покровка ауылдары араһындағы юлда булған. Яҡынса мәғлүмәттәр буйынса, «ВАЗ-2110» һәм «Ниссан Альмера» автомобилдәре төкөшкән.

Ҡыҙғанысҡа күрә, «ВАЗ-2110» автомобиленең 38 йәшлек водителе ашығыс медицина ярҙамы килгәнсе вафат булған. Ә «Ниссан» автомобиленең водителе дауаханаға оҙатыла.

Ваҡиға урынында дәүләт автоинспекцияһы һәм башҡа ашығыс хеҙмәттәр хеҙмәткәрҙәре эшләй.

фото: ЮХХДИ.