Ҡот осҡос фажиғәлә мөғжизә менән иҫән ҡалғандар

Мәсәғүт үҙәк район дауаханаһының баш табибы Валерий Трофимов «Бәйләнештә» социаль селтәрендәге сәхифәһендә ашығыс медицина ярҙамы хеҙмәтенең, табип-анестезиологтарҙың, травматология үҙәгенең медицина белгестәренең көйләнгән эше тураһында хәбәр итте. һөҙөмтәлә ҡот осҡос аварияла зыян күреүселәрҙең ғүмере ҡотҡарылған.

Авария Кропачево-Мәсәғүт-Әшет трассаһында була. Һауа шарттары тотороҡһоҙ булғанда «Приора» водителе ҡаршы юл һыҙатына сыға һәм «КамАЗ»ға төкөй. Еңел автомобилдән бер нәмә лә ҡалмаған тиерлек, ә ир-егеттәр мөғжизә менән иҫән ҡалған. Күп һанлы йәрәхәттәр менән улар Мәсәғүт дауаханаһының травматология үҙәгенә килтерелә.

Айырыуса „Приора"ның  пассажиры ныҡ зыян күрә. Табип-травматологтарҙың грамоталы эшмәкәрлеге арҡаһында егттең ғүмерен генә һаҡлап алып ҡалмай, ә улар ампутация хәүефе янаған ҡулын ҡотҡара. Хәҙер уның ғүмеренә хәүеф янамай, пациент дауалана, алда тағы бер нисә операция һәм реабилитация үтә. Юл-транспорт ваҡиғаһында зыян күргән водитель дауаланып, өйөнә ҡайтарылған», - тип һөйләне Валерий Трофимов.

Бынан алда хәбәр итеүебеҙсә, юл фажиғәһенән һуң 21 йәшлек водителде травматология бүлегенә урынлаштырғандар, унда табиптар янбаш һөйәге һыныуы, йомшаҡ туҡыма имгәнеүе, ябыҡ баш һөйәге-мейе йәрәхәте диагнозын ҡуйған. 31 йәшлек пассажирҙы реанимация бүлегенә ябыҡ баш һөйәге йәрәхәте, баш һөйәгенең һыныуы, уң ҡулының йәрәхәте менән оҙаталар. 

фото:ЮХХДИ