+22 °С
Болотло
ХӘЛ-ВАҠИҒАЛАР
28 Сентябрь 2023, 10:04
«Лада Гранта» менән «ВАЗ-2107» бәрелешкән, ҡорбандар бар
-
«Лада Гранта» менән «ВАЗ-2107» бәрелешкән, ҡорбандар бар
Бөгөн Мәләүез районында юл фажиғәһе теркәлгән, ике кешенең ғүмере өҙөлгән. Республика дәүләт автоинспекцияһының матбуғат хеҙмәтенән хәбәр итеүҙәренсә, авария 28 сентябрҙә көндөҙ Ергән - Нордовка автомобиль юлының 11-се саҡрымында булған. Яҡынса мәғлүмәттәр буйынса, 62 йәшлек водитель идара иткән «Лада Гранта» менән ҡаршыға килгән «ВАЗ-2107» бәрелешкән. Рулдә 72 йәшлек ир ултырған.
Юл фажиғәһендә «Гранта» водителе һәләк булған. «ВАЗ»-дың 75 йәшлек пассажиры ла йән биргән, ә водитель ауыр йәрәхәттәр менән дауаханаға оҙатылған.
Ваҡиға урынында дәүләт автоинспекцияһы хеҙмәткәрҙәре һәм башҡа ашығыс хеҙмәттәр эшләй. Тулыраҡ мәғлүмәт асыҡлана.
