Ҡатын бөҙрәханала булғанда уның машинаһын "алып киткәндәр"

Әбйәлил районының Асҡар ауылында енәйәтсе машинаны алып, унда ни бары 500 метрға ғына киткән.

Башҡортостандың ЮХХДИ начальнигы Владимир Севастьянов  хәбәр итеүенсә, 30 йәшлек ҡатын үҙенең  «Volkswagen Polo»  автомобилендә парикмахерға килгән һәм бөҙрәханаға инеү машинаһын ҡалдырған. Шул уҡ ваҡытта ғәйепләнеүсе яҡында дуҫы менән спиртлы эсемлек эсеп йөрөгән. Урамға сыҡҡас, хужаһыҙ асыҡ машинаны күреп ҡалған. Ир руль артына ултырып, иптәше янына киткән. Дуҫы өйөндә булмаған. Ир машинаны кире ҡайтарып тормаған,  тағы ла руль артына ултырырға баҙнат итмәгән.

Юл-патруль хеҙмәте хеҙмәткәрҙәре йәшәгән урын буйынса 52 йәшлек ирҙе тапҡан һәм уны полиция бүлегенә килтергән. Ул үҙ ғәйебен таныған. Медицина тикшереүе уның иҫерек булыуын күрһәткән. Автомобиль менән эскән килеш идара иткән өсөн административ протокол төҙөлгән. Шулай уҡ ҡулға алыныусыға ҡарата Рәсәй Федерацияһы Енәйәт кодексының 166-сы статьяһының 1-се өлөшө буйынса енәйәт эше асылған һәм ситкә китмәү тураһында документҡа ҡул ҡуйыуға хөкөм сараһы һайланған.