Сибайҙа йәшәүсе 74 йәшлек ирҙе эҙләйҙәр...

Сибайҙа йәшәгән 74 йәшлек Илһам Яратов хәбәрһеҙ юғалған, тип хәбәр итә «Лиза Алерт» эҙләү-ҡотҡарыу отряды. Оло йәштәге ирҙең ҡайҙа икәнлеге 29 майҙан бер ни ҙә билдәле түгел.

Ул ҡара шаҡмаҡлы күк күлдәк, һоро трико һәм ҡара сандалийҙар кейгән булған. Башҡа билдәләре - буйы 170 сантиметр, сал сәсле һәм ҡуңыр күҙле. Ирекмәндәр билдәләүенсә, Илһам Яратов хәтерен юғалтыуы ихтимал.

«29 майҙа көндөҙгө сәғәт 2-нән киске 5-кә тиклем Сибайҙан Баймаҡҡа тиклем Хәсән ауылы тирәһендә, шоссела йөрөгән кешеләрҙе видеорегистраторҙарҙан яҙмалар һаҡланғанмы-юҡмы икәнлеген тикшереүҙәрен һәм мөмкин булғанса 8-800-700-54-52 номерына шылтыратып, уларҙы ентекләп өйрәнеү өсөн биреүҙәрен һорайбыҙ», - тип өҫтәне эҙәрмәндәр.