Йәштәр фажиғәгә тарыған...

Республика дәүләт автоинспекцияһының матбуғат хеҙмәтенән хәбәр итеүҙәренсә, 18 майҙа төнгө сәғәт өс тирәһендә Стәрлетамаҡ - Стәрлебаш автомобиль юлының 21-се саҡрымында 59 йәшлек Фёдоровка районы кешеһе Фёдоровка ауылы яғына китеп барғанда юлдың уртаһында торған ике йәйәүлене бәрҙергән. Һуңынан «Лада» юлдағы «ВАЗ-2106» автомобиле менән төкөшкән.

Үкенескә күрә, фажиғәлә Стәрлетамаҡ районынан 20 йәшлек ир ваҡиға урынында һәләк булған, ә икенсе йәйәүле ауыр йәрәхәттәр менән дауаханаға оҙатылған. Йәштәрҙең юлда яҡтылыҡты кире ҡайтарыусы элементтарһыҙ йөрөүҙәре билдәле.

Республиканың Дәүләт хеҙмәт инспекцияһы ошо ваҡиға буйынса тикшереү башлаған. 

фото:ЮХХДИ