Өфөнөң Октябрь проспектындағы 83/1-се йортта фажиғәле хәл булған. «Башинформ»дың үҙ сығанағы хәбәр итеүенсә, ике йәшлек малайҙың өҫтөнә телевизор килеп төшкән.
«Ата-әсә сабыйын бала ҡараусының өйөндә ҡалдырған булған. Туғанымы, әхирәтеме, әллә махсус ялланған хеҙмәткәрме — әлегә билдәһеҙ. Бала ҡайһылыр арала тумбочкалағы телевизорҙы тартып төшөргән — техника уның өҫтөнә ауған. Малай алған йәрәхәттәрҙән йән биргән», — тип хәбәр итте әңгәмәсе.
«Башинформ» Рәсәй Тәфтиш комитетының Башҡортостан буйынса тәфтиш идаралығының һәм Башҡортостан прокуратураһының матбуғат хеҙмәттәренә ошо хәлгә аңлатма һорап мөрәжәғәт итте. Ведомстволарҙа ошо хәлгә аңлатма бирҙеләр.
Фото:Рәсәйҙең Башҡортостан буйынса тәфтиш комитеты.