Төн уртаһында ике кеше урманда аҙашҡан...

Кисә кискеһен Благовещен районында, Орловка ауылы янында, урманда ике ир аҙашҡан, тип хәбәр иттеләр Башҡортостан Республикаһы Ғәҙәттән тыш хәлдәр буйынса дәүләт комитетының матбуғат хеҙмәтенән.

Урманда ике ирҙең юғалыуы тураһында хәбәр 112 системаһына киске сәғәт 9-ҙан һуң килә.

«Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары тиҙ арала эҙләү-ҡотҡарыу эштәренә юлланды. Ашығыс хеҙмәт ир-егеттәр менән бәйләнешкә инеп, улар торған урындың аныҡ геолокацияһын нисек ебәрергә икәнен аңлата алды», - тип һөйләнеләр Башҡортостан Республикаһы Ғәҙәттән тыш хәлдәр буйынса дәүләт комитетының матбуғат хеҙмәтендә.

Төнгө сәғәт берҙә ҡотҡарыусылар йырында туристарҙы тапҡан: унан үҙаллы күтәрелә алмаған.

«Улар медицина ярҙамына мохтаж түгел ине. Зыян күреүселәр урмандан эвакуацияланған», - тип өҫтәнеләр ведомствола һәм урманға барғанда яҡындарына үҙеңдең маршрутың, өйгә ҡайтыу ваҡыты тураһында хәбәр итергә кәрәклеген хәтергә төшөрҙөләр.

фото:Башҡортостан Республикаһы Ғәҙәттән тыш хәлдәр буйынса дәүләт комитетының матбуғат хеҙмәте.