Автобус менән аварияла 8 кеше йәрәхәтләнгән

Кисә йәмәғәт автобусының Якушевтар йортона бәрелеүе хаҡында яҙғайныҡ. Был мәлдә автобуста башлыса студенттар һәм пенсионерҙар булған, уларҙың күбеһен ашығыс ярҙам машинаһында алып киткәндәр.

Өфөнөң Ашығыс медицина ярҙамы дауаханаһына баш мейеһе йәрәхәтләнгән 18 йәшлек ҡыҙҙы оҙатҡандар. М. Аҡмулла исемендәге БДПУ-ның икенсе курс студенты 5-се травматология пунктына мөрәжәғәт иткән. Уның баш мейеһе һелкенгән, башы йәрәхәтләнгән. Ошонда уҡ медицина университетының икенсе курс студентына ярҙам күрһәткәндәр. Уның һул ҡулы йәрәхәтләнгән.

64 йәшлек ҡатындың тубығы йәрәхәтләнгән. Тағы ла бер 64 йәшлек ҡатындың уң ҡулы, башы йәрәхәтләнеүе, баш мейеүе һелкенеүе асыҡланған. Иң ҡурҡыныс йәрәхәттәрҙең береһе – 72 йәшлек пенсионерҙың күкрәк һөйәге һыныуы теркәлгән.
Тағы ла бер 61 йәшлек пассажир 13-сө дауаханаға уң терһәк быуыны йәрәхәте менән мөрәжәғәт иткән.

8-се дауахана янындағы травматология пунктына Урал политехник колледжының икенсе курс студенты килтерелгән. Уның баш мейеһе йәрәхәтләнгән, баш
Барлыҡ зыян күреүселәргә медицина ярҙамы күрһәтелгән, улар дауалана.

Сығанаҡ: Башкортостаным/яңылыҡтар