Боҙ аҫтында... автомобиль!

Белорет һыуһаҡлағысы биләмәһендә иҫкәртеү рейдтары үткәргәндә ҡала пляжы янындағы һыуҙа боҙ аҫтына төшөп киткән «ВАЗ-2121» машинаһы табылған.

Башҡортостан буйынса Ғәҙәттән тыш хәлдәр министрлығының һуңғы хәбәрҙәренә ярашлы, автомобиль тикшерелгән, һәләк булғандар һәм йәрәхәтләнгәндәр юҡ. Милексе асыҡланған, ваҡиға сәбәптәре асыҡлана.

Һыу объекттарында хәүефһеҙлек тураһындағы республика норматив-хоҡуҡи акттарына ярашлы, ҡалынлығы 7 сантиметрҙан кәм булған кешеләрҙең боҙға сығыуы тыйыла. Быйылдан башлап ҡалынлығы 7 сантиметрҙан кәм булған боҙҙа булған өсөн штраф формаһында тәүге тапҡыр административ яза ҡаралған.

«Иғтибар! Боҙ аҫтына төшөп киткән осраҡтар ҙа йышайҙы. Хәүефһеҙлек ҡағиҙәләрен һанға һуҡмағыҙ! - тип иҫкәрттеләр ведомствола. - Һуңғы бер нисә көндә генә республикала нығынып бөтмәгән боҙ аҫтында упҡын менән бәйле хәл-ваҡиғалар булды. Үкенескә күрә, үлем осраҡтары ла бар. Боҙ бигерәк йоҡа һәм тығыҙ түгел! Киреһенсә кеүек тойолһа ла. Боҙҙоң ҡалынлығын аяҡ менән тикшермәгеҙ, онталыу хәүефе янай. Боҙға сыҡмағыҙ. Балаларға һыуыҡ ваҡытта һыу ятҡылыҡтарында хәүефһеҙлек ҡағиҙәләре тураһында һөйләгеҙ. Уларҙы ҡарауһыҙ ҡалдырмағыҙ. Һаулыҡты һәм ғүмерҙе һаҡлағыҙ!»

фото:Башҡортостан буйынса Ғәҙәттән тыш хәлдәр министрлығы.

Шулай уҡ уҡығыҙ:

Таналыҡ йылғаһы аша үтәм тип...