УЙЫНДАН УЙМАҠ СЫҠМАҺЫН!

Пиротехник изделиеларҙың 5 класс төрө бар. 1-се, 2-се, 3-сө төр изделиеларҙы ирекле һатырға рөхсәт ителһә, 4-се һәм 5-се төрҙәр һөнәри пиротехникаға ҡарай һәм уларҙы махсус лицензия менән генә алырға ярай.  

Байрамдар фажиғәғә килтермәһен өсөн пиротехника менән ҡулланыуҙың төп  ҡағиҙәләрен үтәргә кәрәк:

• - торлаҡ йорттарға һәм тиҙ генә янып китә торған предметтарға, ағаслыҡтарға 30 метрға яҡын ерҙә салют атырға;
• - пиротехниканы кеҫәлә йөрөтөргә;
• - фитилде тоҡандырғанда биткә яҡын килтерергә һәм янып торған фейервекка яҡын килергә;
• - көслө ел булғанда уны тоҡандырырға;
• - ракета һәм фейерверктарҙы кешеләргә төбәп һәм автомобиль эргәһендә тоҡандырырға;
• - петардаларҙы аяҡ аҫтына бәрергә;
• - пиротехниканы тоҡандырғанда тәмәке тартырға ҡәтғи рәүештә ярамай.  

Пиротехника менән ҡулланыр алдынан уның инструкцияһын иғтибар менән уҡығыҙ, бөтә хәүефһеҙлек ҡағиҙәләрен теүәл үтәгеҙ.

Яңы йыл ваҡытында янғын хәүефһеҙлеге ҡағиҙәләрен үтәргә онотмағыҙ:

• - өйҙә бенгаль уттарын һәм шартлаусы хлопушкаларҙы ҡулланмағыҙ;
• - электр гирляндалары заводта етештерелгән һәм төҙөк булырға тейеш, ә электр селтәрен заводта етештерелгән һаҡлағыс (предохранитель) менән йыһазландырығыҙ;
• - шыршыға шәм ҡуймағыҙ һәм уны еңел янып китә торған материалдарҙан эшләнгән уйынсыҡтар менән биҙәмәгеҙ;
• - балаларға пиротехника менән уйнарға һәм гирляндаларҙы тоҡандырырға, марля һәм мамыҡтан тегелгән костюмдарҙа шыршы эргәһендә уйнарға рөхсәт итмәгеҙ;
• - өйҙән сыҡҡанда электр приборҙарын һүндерергә онотмағыҙ.  

Ошо ябай ғына ҡағиҙәләрҙе үтәү һеҙҙең һәм яҡындарығыҙҙың ғүмерен һәм йортоғоҙҙо янғындан һаҡлар!