+29 °С
Болотло
ХӘҮЕФҺЕҘЛЕК
16 Декабрь 2025, 07:07
Бөрйәндә бүреләр бәйҙә торған этте ашаған
Бөрйән районының Мәһәҙей ауылында бүреләр этте ашаған. Хужаның иртән тороп тышҡа сығыуға эттең башы ғына ятып ҡалған.
«Башинформ» редакцияһына ебәрелгән видеояҙмала урман эргәһендә торған йорт янында бүреләрҙең эҙҙәре асыҡ күренә. Хужа әйтеүенсә, йыртҡыстар бер нисәү булған, уларҙың аттарға ла һөжүм итеүе ихтимал.
«Иртәнге сәғәт 9-10дар тирәһендә сыҡҡайным. Бесән һалып йөрөйөм, бына аттар тора, бесән эргәһенә килһәм, эттең башы ғына ятып ҡалған. Бүреләр ашаған тегене. Хәҙер нимә эшләйбеҙ инде, йыртҡыстар аттарға күсеп алһалар», — тип борсола видео авторы.
