Башҡортостанда 10 февралдә Магнитогорск — Ира трассаһында транспорт хәрәкәте ваҡытлыса ябылды.
Республика дәүләт автоинспекцияһында белдереүҙәренсә, һүҙ Баймаҡ районындағы 87-се саҡрымдан алып 89-сы саҡрымға тиклемге участка хаҡында бара. Хәрәкәт көндөҙгө сәғәт 2-нән киске 5-кә тиклем ябыла. Сикләүҙәр Төйәләҫ эзбизташ ятҡылығы карьерында шартлау эштәрен үткәреүгә бәйле индерелгән.
Ведомствола юл хәрәкәтендә ҡатнашыусыларға маршрутты алдан билдәләргә кәңәш бирәләр.
фото һәм мәғлүмәт: "Башинформ"