+23 °С
Болотло
ХӘҮЕФҺЕҘЛЕК
26 Апрель 2022, 16:14
Хәйбулла районында аттракциондарҙың хәүефһеҙлеге тикшерелде
Хәйбулла районында аттракциондарҙың хәүефһеҙлеге тикшерелде
"Туризм һәм ҡунаҡсыллыҡ индустрияһы" милли проекты сиктәрендә район хакимиәте башлығының иҡтисад, эшҡыуарлыҡ һәм инвестициялар буйынса урынбаҫары Наил Байғусҡаров аттракцион техникаға күҙәтеү буйынса баш белгес Илшат Закиров менән осрашты. Осрашыу барышында һүҙ 2022 йылдың яҙғы-йәйге миҙгелендә аттракцион техниканы файҙаланыуға әҙерлекте тикшерҙеләр. Атап әйткәндә, һүҙ аттракцион ҡорамалы хужаларына хеҙмәттәр күрһәткәндә - дәүләт теркәүе тураһында таныҡлыҡ, техник тикшереүҙең ғәмәлдәге акты, иҫәп журналдары, хеҙмәткәрҙәрҙең уҡыуын раҫлаған документтарҙы мотлаҡ тапшырыу.
Аттракцион хужалары үҙ каруселдәре, батуттары, таусыҡтары һәм картингтарының төҙөк хәлдә булыуы хаҡында хәстәрлек күрергә тейеш. Бөтә талаптар Рәсәй Федерацияһы Хөкүмәтенең 2019 йылдың 20 декабрендәге «Аттракциондарҙың техник торошона һәм уларҙы файҙаланыуға талаптарҙы раҫлау тураһында»ғы 1732-се ҡарарында бирелгән.
«Һыу ирегән ваҡытта ҡорамалдарға эләкмәһен өсөн ҡыш буйына ҡарҙан таҙартабыҙ. Был парк эшмәкәрлегендә иң мөһиме - клиенттарҙың именлеге», - ти аттракцион хужаһы.
Милли проект Рәсәй буйлап сәйәхәт итеүҙе уңайлы, хәүефһеҙ һәм ҡыҙыҡлы итергә ярҙам итәсәк. Туристар - сервис, ә ял итеү урындарын һәм туристик маршруттарҙы ойоштороусылар дәүләт ярҙамы аласаҡ. «Туризм һәм ҡунаҡсыллыҡ индустрияһы» милли проекты Рәсәй президенты Владимир Путиндың указына ярашлы раҫланды. «Туристик инфраструктураны үҫтереү», «Туристик хеҙмәттәрҙең асыҡлығын арттырыу» һәм «Туризм өлкәһендә идара итеүҙе камиллаштырыу» федераль проекттарын үҙ эсенә ала.
#национальныепроекты#нацпроекты
#региональныепроекты#регпроекты#нацпроектыБашкортостан
фото:Хәйбулла районы хакимиәте
