+29 °С
Облачно
ХӘҮЕФҺЕҘЛЕК
27 Января 2022, 15:50
«Был ҡыҙыҡ булыр тип уйлағайным»
Егет үҙенең ҡылығы өсөн үкенеүен белдергән..
«Был ҡыҙыҡ булыр тип уйлағайным»
Социаль селтәрҙә Өфөлә Октябрь проспектының машиналар күп йөрөгән юл участкаһында урындағы блогерҙың видео төшөрөүе тураһында мәғлүмәт баҫылып сыҡты.
«Әлеге осраҡ буйынса Өфө Дәүләт автоинспекцияһы хеҙмәткәрҙәре административ тикшереү башлаған, уның барышында йәш кешенең кем икәнлеге асыҡланған. Ул Өфөнән 26 йәшлек егет булып сыҡҡан. Йәйәүле булараҡ, ул үҙ ғәмәлдәре менән юл хәрәкәте ҡағиҙәләрен боҙған. Ошо хоҡуҡ боҙоу өсөн ул 12-се статьяның 1-се өлөшө буйынса административ яуаплылыҡҡа тарттырылды. Рәсәй Федерацияһының 29 Административ хоҡуҡ боҙоуҙар тураһында кодексы», - тип хәбәр иттеләр ведомствоның матбуғат хеҙмәтенән.
Юл хәрәкәте ҡағиҙәләрен боҙоусы аңлатыуынса, 25 ғинуарҙа көндөҙгө сәғәт 3-тә «Мир» сауҙа үҙәге эргәһендә йәйәүлеләр өсөн тәғәйенләнмәгән урында юлға сыҡҡан, машиналарҙың хәрәкәтенә ҡамасаулап, улар алдынан үткән һәм социаль селтәрҙәр өсөн ике видео төшөрөп алған.
«Был ҡыҙыҡ булыр тип уйлағайным. Барыһын да төшөрөп алдым да юлдан ауылға сығып киттем. Бөгөн Өфөгә килдем, был ҡылығымды бик насар эш тип иҫәпләйем. Мин үҙемдең ғүмеремдең, водителдәрҙең именлеге тураһында уйламаным. Был юл фажиғәһенә килтереүе ихтимал. Үҙемдең ғәйебемде таныйым, быға үкенәм, был ҡылығымды башҡаларға ла ҡабатларға кәңәш итмәйем. Үҙегеҙҙе һаҡлағыҙ», - тине ул.
фото:ЮХХДИ
