10 майҙа Яйыҡ йылғаһы буйында тимер сынйыр менән уратылған мәйет табылған

2026 йылдың 10 майында Яйыҡ йылғаһы ярында Силәбе өлкәһе Ҡыҙыл районының Гранитный ҡасабаһы янында бетон шлакоблок беркетелгән тимер сынйыр менән бәйләнгән ҡатындың кәүҙәһе табыла.

Хоҡуҡ һаҡлаусылар мәрхүмәнең аралашыу даирәһен билдәләй,  шаһиттарҙан һорау ала, суд экспертизалары комплексын тәғәйенләй, ҡатын-ҡыҙҙың хәрәкәт итеү маршруттарын өйрәнә ваҡиғаның тулы картинаһын тергеҙә. Үлтереүҙә  Башҡортостандан 54 йәшлек ир ғәйепләнә һәм ҡулға алына.

Асыҡланыуынса, Баймаҡ районының Ҡыуат ауылынан хәбәрһеҙ юғалған 42 йәшлек ҡатын һәләк булған. Былтыр ноябрҙә ҡатындың ире хоҡуҡ һаҡлау органдарына мөрәжәғәт итеп, улын дауаханаға алып барыуын һәм кире ҡайтмауын хәбәр итә.

«Һорау алыу тактикаһы барышында ғәйепләнеүсе үҙ ғәйебен  таный һәм 2025 йылдың 10 ноябрендә кис ҡатын менән осрашыуы тураһында хәбәр итә. Күсей ауылы янында автомобилдә йөрөгәндә, улар араһында көнсөллөк арҡаһында конфликт була, уның барышында ир ҡатынды быуып үлтерә. Енәйәт эҙҙәрен йәшереү өсөн ир  ҡатындың кәүҙәһен Ҡыҙыл районының Гранитный ҡасабаһы янында Яйыҡ йылғаһы ярына алып барып, бетон шлакоблок менән тимер сылбыр менән бәйләп, һыуға ташланы», — тип асыҡлыҡ индерҙеләр Рәсәй тәфтиш комитетының Силәбе өлкәһе буйынса тәфтиш идаралығының матбуғат хеҙмәтенән.

фото:Рәсәй тәфтиш комитетының Силәбе өлкәһе буйынса тәфтиш идаралығы